قصتنا

بدأت آرت ستوري من كوب واحد. كانت بنتي في الجامعة وتحتاج شي يحفّزها، فرسمت لها على كوبها: «أعظم مهندسة في العالم». جملة صغيرة على كوب، بس كانت تحمل كل اللي نبي نقوله لها.

من هنا جات الفكرة: الهدية اللي تبقى هي اللي تحمل شي من صاحبها، اسمه، لونه المفضل، أو كلمة يحتاجها. عشان كذا نبدأ كل طلب من قصتك، ونرسل لك معاينة قبل ما نبدأ الرسم.

كل قطعة تطلع من مرسمنا مرسومة باليد، فما في قطعتين متطابقتين تمامًا. وهذا اللي يخلي كل رسمة تحكي قصة.